RADIO FALANGUEIRA

10 junio, 2026

PATRIMONIO CULTURAL INMATERIAL

Este é o resultado do traballo de toda a comunidade educativa sobre o noso patrimonio cultural inmaterial. Detrás deste podcast hai unha recollida de información, selección e interpretación na que participamos todos e todas. Quedou moi chulo!!!

BIBLIO COUCEIRO · PATRIMONIO INMATERIAL PODCAST

Moitas grazas e noraboa polo traballo, Güino.

14 mayo, 2026

PDI. COUCEIRO CALIDADE. ARTESANÍA E TRADICIÓN GALEGA

Xa casi está lista a exposición co resultado do traballo realizado durante este curso.

O alumnado de terceiro creou un postcad contándonos o que traballaron. Podedes escoitalo.

BIBLIO COUCEIRO · PDI COUCEIRO CALIDADE BUENO

Güino.

10 mayo, 2026

LETRAS GALEGAS 2026

Con motivo da próxima celebración do Día das Letras Galegas 2026, o alumnado de 3º participou na gravación dun audio moi especial para a nosa radio escolar. Nesta ocasión, o programa estivo dedicado á figura de Begoña Caamaño, escritora, xornalista e muller comprometida coa lingua e coa cultura galega.

O Día das Letras Galegas celébrase cada ano o 17 de maio e é unha data moi importante para todas e todos nós. É un día para poñer en valor a nosa lingua, lembrar a importancia de falala, coidala e transmitila, e coñecer mellor a obra das persoas que contribuíron á literatura e á cultura de Galicia.

Neste audio, o alumnado achegounos dun xeito claro, divertido e moi didáctico á vida e ao legado de Begoña Caamaño. Faláronnos da súa relación co galego, do seu traballo na radio e no xornalismo, da importancia das palabras e do papel das mulleres nas historias. Tamén nos lembraron que o galego serve para contar, pensar, emocionar, aprender e soñar.

Cómpre destacar o gran traballo realizado polos nenos e nenas. Fixérono incriblemente ben: leron con claridade, respectaron as quendas, puxeron entusiasmo nas súas voces e conseguiron transmitir a importancia desta celebración. Foi unha experiencia moi bonita, na que demostraron que tamén desde a escola podemos facer que o galego soe con forza, alegría e orgullo.

Parabéns a todas e todos os participantes polo seu esforzo, pola súa ilusión e por facer da nosa radio escolar un espazo vivo para compartir aprendizaxes.

Premede no audio e gozade deste programa especial das Letras Galegas 2026!