O alumnado de cuarto de Educación Primaria aproveitou os últimos días de curso para gravar na radio. Quixeron contarnos a súa experiencia ao traballar o tema deste curso do noso Proxecto Documental Integrado (PDI), que como todos e todas sabedes viraba ao redor dos Xogos Olímpicos.
Grazas polo voso traballo.
O 21 de marzo celebramos o Día Mundial da Poesía, co obxectivo de apoiar a diversidade lingüística e dar a oportunidade ás linguas ameazadas de ser un vehículo de comunicación artística nas súas comunidades respectivas.
O noso obxectivo é promover o ensino da poesía, fomentar a tradición oral dos recitais poéticos, e crear unha imaxe atractiva da poesía nos medios de comunicación para que non se considere unha forma anticuada de arte, senón unha vía de expresión e restablecer o diálogo entre a poesía e as demais manifestacións artísticas, como o teatro, a danza, a música e a pintura.
A poesía contribúe á diversidade creativa ao cuestionar a forma na que usamos as palabras e o noso modo de percibir a realidade. Exprésase de maneira diferente e sutil e consegue comunicar cousas doutra forma, obrigando ao lector descubrir a esencia da mensaxe.
Os nenos e nenas de primeiro queren compartir con nós unha poesía de Rosalía de Castro "Adeus ríos, adeus fontes" empregando a nosa Radio Falangueira.
Enhoraboa a todos e a todas.
O alumnado de 3º preparou unha poesía da autora que gravaron na Radio da Biblio.
Aquí tedes o resultado.
O alumnado de 6º de Educación Primaria da nosa escola presentan o Día da Paz para todos vós
O luns 26 de febreiro alumnos e alumnas de 5º e 6º de Educación Primaria tiveron a sorte de participar nun Obradoiro realizado por Damián Alonso de "Ponche nas Ondas". Esta formación puidemos desenvolvela grazas á nosa participación no programa Radio na biblioteca da Consellería de Educación, proxecto no que estamos inmersos desde o pasado curso.
